Vuraj

Фолк-гурт Vuraj запісаў новы альбом "Раёк" і прэзентуе чатыры песні з яго. Гэта трэцяя праца ў дыскаграфіі гурта, але першая студыйная, першая поўнафарматная і першая спеўная бо дагэтуль аркестрык прэзентаваў ў сваіх плытках выключна казачны рэпертуар ды інструментальны тэатр.

На лэйбле "Каўчэг" выйшаў дыск музычна-вандроўнага аркестрыка Vuraj пад назвай "Песні, казачкі ды танцы". Дыск атрымаўся выдумленна-вясёлым. "Тут і песенькі, i казачкі, нават некалькі "танцулечак", пад якія так любяць танчыць на канцэртах Vuraju, – кажа музыка і казачнік Сяржук Гаюн. – Дыск прысвечаны ўсім нашым слухачам-гледачам з тых краін, дзе мы былі, гралі, спявалі ды вандравалі".