Гурт "Абшар" выклаў міні-альбом "Жоўты"

Гурт Абшар выклаў у Інтэрнэт міні-альбом "Жоўты", які быў прэзентаваны падчас канцэрта ў Варшаве на пачатку красавіка. Дыск змяшчае чатыры песні.

“Жоўты – гэта колер, які аб'ядноўвае аўру ўсіх гэтых песень, – кажуць музыкі. – Жоўты – гэта колер сонца, кахання, сяброўства”. Музыкі плануюць таксама "зрабіць" яшчэ два колеры, якія потым "змяшаюцца" ў адзін альбом.

Першыя экзэмпляры дыска разышліся падчас канцэрта 3-га красавіка ў клубе "Obiekt", што знаходзіцца ў самым цэнтры Варшавы. За паўтары гадзіны музыкі адыгралі пашыраную праграму, ў якую трапілі як новыя, так і старыя ўлюбёныя гіты, каторыя атрымалася выканаць разам з публікай.

Бліжэйшы выступ Абшара плануецца 26-га красавіка ў мінскім клубе "Салтайм" у межах "Men's Fest", а наступны – у траўні, у межах фэстіваля "Graffiti Open Music Fest II".

EP "Жоўты" можна бясплатна спампаваць на новым сайце гурта www.abszar.com.