"Ілюжан" выдалі першую частку CD-трылёгіі (+слухаць/+спампаваць)

Музыкі прадставілі першую частку свайго дэбютнага альбому, над якім працавалі некалькі гадоў. У рэліз увайшло 6 песень, вытрыманых у фольк-рокавым кірунку. Яму папярэднічаў сынгл зь дзьвюма песьнямі, які музыкі прадставілі на Tuzin.fm на чатырохгодзьдзе каманды ў лістападзе.

"Што мы хацелі сказаць гэтым альбомам? Прыблізна тое ж, што б сказалі вам травы ды дрэвы, птушкі ды ручаі, што стаяць, бягуць, растуць і гнязьдзяцца ў гэтай зямлі. Дзеці – бацькі – унукі. Гэта не храналёгія, гэта мэтафізычны стан кожнага з нас. Тут песьні не пра каханьне. Тут песьні пра Любоў. Яны не даюць надзеі, яны мацуюць веру", – гэтак прадстаўляе альбом вакалістка "Ілюжан" Кацярына Аліхвер.

Ужо вядзецца праца над другой і трэцяй часткамі альбому, якія будуць стылістычна адрозныя ад гэтага дыску.

Спампаваць рэліз можна на Bandcamp.

Тэкст: Tuzin.fm