Martin S прэзентуе другі колер (+слухаць)

Мінскі гурт Martin S. прэзентуе другую частку свайго альбома – Blue Album Part. Музыкі вырашылі выдаваць яго па частках, аздобіўшы кожную з іх сваім колерам, што мусіць передаваць настрой усёй часткі. Сіні колер, як кажуць музыкі, нясе ў сабе нотку самоты.

"На аглійскай мове ёсць такі выраз: "I feel blue", што азначае "Мне сумна", – кажа гітарыст гурта Слава. – Мы падумалі і вырашылі зрабіць другі АР сінім. Таму мы сабралі ў яго тры песні для тых, каму сумна. Як вядома, блюз – гэта калі добраму чалавеку дрэнна. Я спадзяюся, што ў нас атрымаецца AP, пра які можна будзе сказаць "калі сучаснаму добраму чалавеку дрэнна", хоць ніякага дачынення да блюзу мы, канешне ж, не маем. Проста АР у стылі "I feel blue". Мне падаецца, што мы добра прыгадалі з часам яго рэлізу, бо як раз зараз надвор’е на вуліцы адпавядае таму настрою і атмасферы, што нясе сабой гэты наш АР. Так бы мовіць стоадсоткавая восень".

"У гэтым годзе, як бачна, вельмі шмат разнастайных рэлізаў. Прычым выбар такі стракаты, што вушы разбягаюцца. – дзеліцца басіст гурта Лёша. – Мы вельмі радыя, што нашыя рэлізы ўпісываюцца не толькі ў гэты "шэраг", але і ў гэтую "разнастайнасць". Тым, што альбом разбіты на тэматычныя часткі, мы намагаемся даць слухачу права выбару не толькі, які гурт слухаць, але і ў межах аднаго гурта выбраць для сябе песні, што прыдуць да спадобы."

Сіні АР, як і папярэдні, змяшчае 3 песні, выкладзенныя ў сетку для вольнага праслухоўвання. Песні з абедзьвюх частак можна будзе пачуць жыўцом на Men's Fest 2012, што адбудзецца ў Брэсце 27-28 кастрычніка, дзе акрамя Martin S. выступяць яшчэ 19 гуртоў, сярод якіх Дай Дарогу!, Sciana, J-J BINGZ, Amaroka, украінскія Роллікс і Гуцул Каліпсо і інш. А заключнай, трэцяй часткай альбома, будзе зялёная.