Топ-100 найвялікшых беларускіх песень ад Tuzin.fm

Партал Tuzin.fm прадставіў рэйтынг 100 найвялікшых беларускіх песень, складзены на падставе апытаньня 90 беларускіх экспэртаў. "Мы ня знаем сваёй музыкі. Гэта неаспрэчны мэдычны факт... Гэты рэйтынг – спроба хоць крыху запоўніць прагалы ў веданьні сваёй музыкі", – тлумачыць кіраўнік праекта, галоўны рэдактар Tuzin.fm Сяргей Будкін.

Рэйтынг складзены на падставе апытаньня 90 экспэртаў розных пакаленьняў. Тых пэрсонаў, якія зрабілі свой унёсак у разьвіцьцё сучаснай беларускай музычнай культуры – непасрэдна саміх музыкаў, знаўцаў і дасьледчыкаў, культуролягаў, прадусараў, кліпмэйкераў, рэжысэраў, паэтаў-песеньнікаў, гукарэжысэраў, прадстаўнікоў прэсы, радыё і тэлевізіі.

У рэйтынг увайшлі 100 песень. Месца кампазыцыі вызначаецца колькасьцю яе згадак у анкетах апытаных экспэртаў. У выпадках, калі названая песьня існуе ў розных варыянтах выкананьня ў дужках пасьля назвы пералічваюцца тыя, хто яе сьпяваў (але толькі тыя, хто быў названы ў анкетах).

Рэйтынг не прэтэндуе на ўсеахопнасьць, але можа даць уяўленьне пра найлепшыя здабыткі беларускай музыкі. І мы спадзяемся, што з дапамогай яго слухач адкрые для сябе практычна нязьведаны яшчэ беларускі музычны космас.

Топ-10

1. Песняры "Александрына"

2. N.R.M. "Тры чарапахі"

3. Верасы "Завіруха"

4. Песняры "Касіў Ясь канюшыну"

5. N.R.M. "Павветраны шар"

6. Сябры "Шуміце бярозы"

7. Крама "Бяжы, хлопец"

8. Я нарадзіўся тут "Я нарадзіўся тут"

9. Ulis "Радыё Свабода"

10. Песняры "Беловежская пуща"

Цалкам рэйтынг з аўдыё і відэаматэрыяламі змешчаны на сайце Tuzin.fm

Тэкст: прэс-рэліз