Рэп-гурт Belaroots выдаў дэбютны альбом (+слухаць/+спампаваць)

Гурт Belaroots прэзентаваў альбом "Аднакарэнныя". Апроч трох асноўных удзельнікаў гурта – Земана, Ангста і Контры – у запісе прынялі ўдзел і запрошаныя госці: SP Kava, НайціНайн, Таццяна Януковіч і Зміцер Вайцюшкевіч.

Гурт Belaroots задумваўся, як саюз творчых людзей з розных рэгіёнаў Беларусі, але за той час, пакуль пісаўся альбом, гурт зрабіўся сапраўднай сям’ёй, што з часам павялічыла склад і пашырыла геаграфію. У выніку для працы над альбомам аб’ядналіся не толькі людзі з розных куткоў Беларусі, але і з замежжа.

За музыку адказвалі беларускія бітмэйкеры 26 бітоў, bm LM, Soul Kind, SBP beats, а таксама Jotek (Польшча) і Kurguz (Украіна). Скрэтчы рабіў Dj Tech Masta Dee, а за гучанне і запіс адказваў Protone і студыя Nestanda rec.

"Альбом "Аднакарэнныя" – гэта не толькі спроба злучыць розныя напрамкі рэпу, адрозныя тэмпераменты, падыходы да творчасці і погляды на жыццё, але і асэнсаванне беларускай традыцыі, мінулага краіны, яе сучаснасці ды ўласнага месца ў ёй і часе", – адзначаецца ў прэс-рэлізе.

Спампаваць альбом можна па спасылцы.

Тэкст: Experty.by паводле прэс-рэліза