О проекте

"Фантастычныя плыўцы" выдалі "Лягерныя песьні" ў Францыі (+слухаць/+спампаваць)

 

На францускім Murmure Intemporel апублікаваны студыйны альбом менскага авант-джазавага ансамблю "Фантастычныя плыўцы". У працы паўдзельнічаў брытана-польскі саксафаніст Філіп Пальмэр, а таксама вядомыя па розных праектах прадстаўнікі менскае андэрграўднае сцэны. У іх ліку Фрыдрых Самотны (сакс) і Эрык Арлоў-Шымкус (кантрабас).

Куратар лэйблу Жан-Люк Хэрвэ Бэртэлю кажа, што быў прыемна зьдзіўлены, атрымаўшы запіс зь Менску й упадабаў альбом цалкам зь першага праслухоўваньня: "Музыка падаецца напалову імправізаванай, з добра запісаным гукам, з дасканалай эвалюцыяй кожнае часткі ды з добрым пачуцьцём гумару ў некаторых трэках. Мае ўлюбёныя эпізоды – гэта "Легенда", "Этап 3" і "Этап 4". Карацей кажучы, вельмі добры "авант-джазавы" альбом у выкананьні "фантастычных" музыкаў".

Новая праграма "Фантастычных Плыўцоў" атрымала імя ад загалоўнае песьні, ноты й тэкст якой адшукаў паэт і дасьледчык літаратуры Віктар Жыбуль. "Лягерная песьня" на словы расейскага абэрыута Аляксандра Ўвядзенскага й музыку аўтара гімну БССР Нестара Сакалоўскага датуецца 1935 г. Адмыслова для альбома "Плыўцоў" яе агучыў у Купалаўскім музэі ў Менску кампазытар і хормайстар Максім Іўкін. Запіс астатніх твораў адбываўся ў гаражнай студыі на ўскрайку сталіцы.

"Кожная кампазыцыя будавалася на пэўнай размове між інструмэнтамі. Імправізацыя абмяжоўвалася адмысловымі інструкцыямі ды графікамі", - кажа стваральнік ансамблю Віктар Сямашка. – "Упершыню мы выкарысталі фартэпіяна толькі эпізадычна. Раней менавіта яно задавала тон і лад нашай музыцы. Тут жа рэй вядуць духавое трыё й рытм-сэкцыя". У кампазыцыі "Этап 4" да асноўнага складу "Плыўцоў" дадаецца хор "Кум-Кума".

Трэба заўважыць, што на вокладцы альбома зьмешчаны фотаздымак аднаго з "гулагаўскіх" аркестраў, які стварыў рэпрэсаваны дырыгент Барыс Райскі – легенда беларускага джазу. І варта дадаць, што напярэдадні публікацыі "Лягерных песень" "Фантастычныя Плыўцы" зьмясьцілі ў Сеціве сваю канцэртаграфію.

Альбом можна паслухаць і бясплатна спампаваць на сайтах Archive.org (losless) Freemusicarchive.org (mp3).

Тэкст: прэс-рэліз


Чтобы оставить свой комментарий к этой публикации, войдите в систему. Нам важно ваше мнение!

Или авторизируйтесь посредством:

 

Комментарии

Першая рэцэнзія на альбом ад Леаніда Аўскерна

 

последние материалы по этому артисту (артистам)

RSS

RSS-материал

свежие рецензии

рецензии и аудиозаписи

алфавитный каталог

  • более 350 альбомов
  • онлайн-прослушивание
  • описания и рецензии
  • ссылки на легальное скачивание

Последние комментарии

 
 
Developed by Lynxlab.net